ALANUS

I.

ALANUS

Deochus, seu de Teukesburi, Anglus, scripsit historiam Thomas Cantuariensis, Baron. A. C. 1162. Alanus de Insulis, Doctor Paris. dictus Universalis, Trithem. Alanus Capus, et Alias Varenius, celebres exactô saeculô, quorum hic de Musica dialogos edidit. Genebr. in Chron. Possev. appar. Sacro. Vide et Guilielmus.

II.

ALANUS

Dux Aremoricae, Normannos ingenti praeliô superavit, A. C. 890. Rheg. 1. 2. Baron.

III.

ALANUS

Episcopus Autissiodorensis, inter auctores Collectionis Decretanum secundae. Huius enim tres memorantur Auctores, Gilbertus et Alanus, qui Bernardum Circam imitati, collegerunt Decretales eorum Pontificum, qui post Bernardum huncce (primum Collectorem) vixêre. Quibus nomen et gloriam praeripuit Iohannes Gallensis seu Vallensis, Volterris natus, qui 12. annis post primam collectionem (quae circa initium saeculi XIII. facta est) Pontificum, Bernardô inferiorum, Decretales seu Rescripta, ex utriusque, Gilberti et Alani, collectionibus congessit; quibus etiam Caelestini III. addidit, ut infra videre est. Mastricht Hilst. Iuris Eccl.

IV.

ALANUS

Scythiae fluv. Item mons Sarmatiae. Steph. Item Gothorum dux, sub quo Gothi propter intolerabilem Maximi avaritiam Thraciam, Epirum, et Thessaliam vastârunt, caedibusque replêrunt, Valentem fuderunt, qui in fuga iaculô vulneratus cecidit, acceptusque vili tuguriô inter fomenta exspiravit. Diacon. l. 11. Hist. Trip. l. 8. c. 14. Alanus Sclavonicâ linguâ canis est, ut putat Ios. Scaliger. Sic apud Romanos dictus Caninus et Caninius. Camdenus putat nostrum Alan Britannicâ linguâ corruptum esse ab Aelianus, sicut Vitellianus transiit in Guidalan.

V.

ALANUS

de Lynna, Anglus, sub Henric. VII. scripsit quaedam in Iosephi Antiquit. Historiam Longobard. Chronica Roberti Hovedeni, etc. Voss. l. 3. c. 5. de Hist. Lat.

VI.

ALANUS

vuglo Alan, fluv. Angliae, in Cornubiam provinciam in mare se exonerat, prope oppid. Pastovu.